پروجیکٹ مینیجر کے لیے کور لیٹر

محترم ہمایوں حیدر صاحب، السلام علیکم!

میں نے Quillon Energy میں 14 ماہ کا بلنگ سسٹم مائیگریشن پروجیکٹ اس وقت سنبھالا جب وہ گیارہ ہفتے پیچھے¹ چل رہا تھا، اور اسے نظرثانی شدہ تاریخ سے دو ہفتے پہلے اور 23 لاکھ پاؤنڈ کے بجٹ سے 4% کم لاگت میں مکمل کیا۔ Tidewater کے اشتہار میں کرایہ داروں کے ایک پورٹل کا ذکر ہے جسے نئے مالی سال سے پہلے لانچ ہونا ہے، اور میں جانتا ہوں کہ ایسی ڈیڈ لائن کیا مانگتی ہے۔

پروجیکٹ کو دوبارہ پٹڑی پر لانا پیچیدہ نہیں تھا۔ میں نے اسکوپ کو ان تین فنکشنز تک محدود کیا جو ریگولیٹر کو درکار تھے²، باقی سب کچھ دوسری ریلیز میں منتقل کیا، اور ماہانہ اسٹیئرنگ میٹنگ کی جگہ پندرہ منٹ کی ہفتہ وار میٹنگ رکھی جس میں فیصلے وہیں ہو جاتے تھے۔ باقی کام چار سپلائرز میں پھیلی بارہ افراد کی ٹیم نے کیا۔

جہاں ٹیم سافٹ ویئر بناتی ہے وہاں میں Agile میں کام کرتا ہوں اور جہاں ادارے کو اسٹیج گیٹس درکار ہوں وہاں PRINCE2 میں، اور میرے زیادہ تر پروجیکٹس میں دونوں کی ضرورت پڑی ہے۔ میرا خاصا وقت ترجمانی میں گزرتا ہے: ڈیولپر کے بتائے ہوئے خطرے کو ایسے جملے میں ڈھالنا جس پر فنانس ڈائریکٹر عمل کر سکے³۔

Tidewater ہر سہ ماہی میں یہ شائع کرتی ہے کہ مرمت میں اسے کتنا وقت لگتا ہے۔ میں چاہتا ہوں کہ میرا کام اسی طرح کی جواب دہی کے کام آئے۔

مجھے خوشی ہوگی اگر آپ کو مائیگریشن کا ریکوری پلان دکھانے کا موقع ملے۔ میں اس ہفتے کسی بھی دن دستیاب ہوں۔

آپ کا مخلص، وقاص چیمہ