رجسٹرڈ نرس کے لیے کور لیٹر

محترم عثمان سعید صاحب، السلام علیکم!

میں چھ سال سے Castlemere General کے ایمرجنسی ڈپارٹمنٹ میں نرسنگ کر رہی ہوں، جہاں میں نے ٹرائیج کو نئے سرے سے ترتیب دینے کے کام کی قیادت کی، جس کے نتیجے میں پہلے معائنے کا اوسط انتظار 34 منٹ سے کم ہو کر 19¹ رہ گیا۔ میں آپ کے ایمرجنسی ڈپارٹمنٹ میں رجسٹرڈ نرس کی اسامی کے لیے درخواست دے رہی ہوں۔

آپ کے اشتہار میں بڑوں کے ساتھ ساتھ بچوں کے ساتھ کام کا اور تدریس کا تجربہ مانگا گیا ہے۔ میرے پاس بڑوں اور بچوں دونوں کے لیے ایڈوانسڈ لائف سپورٹ² کی کارآمد سرٹیفکیشن ہے، میں ان دو نرسوں میں سے ایک ہوں جو ہر نئے آنے والے کو ٹرائیج سکھاتی ہیں، اور میں پلیسمنٹ پر آئے ہوئے نرسنگ کے گیارہ طلبہ کی نگرانی کر چکی ہوں۔

اس کام کا جو پہلو میرے لیے سب سے اہم ہے وہ یہ ہے کہ ایک گھبرایا ہوا خاندان انتظار کے دوران کیا سمجھ پاتا ہے³۔ میں نے آسان زبان میں وہ کارڈ لکھا جو اب ہم لواحقین کو دیتے ہیں۔ اس میں بتایا گیا ہے کہ آگے کیا ہوگا اور کچھ مریضوں کو پہلے کیوں دیکھا جاتا ہے، اور اس کے بعد کے دونوں برسوں میں انتظار سے متعلق شکایات ہر سال کم ہوئی ہیں۔

Pendle Cross میں سال بھر میں Castlemere سے دگنے مریض آتے ہیں اور وہاں بچوں کا الگ حصہ بھی ہے۔ میں نے جو کچھ سیکھا ہے اسے اتنے بڑے ڈپارٹمنٹ میں لانا چاہتی ہوں۔

مجھے ٹرائیج کے منصوبے پر، اور اس پر کہ اب میں کیا مختلف کرتی، بات کرکے خوشی ہوگی۔ مجھ سے کام کے کسی بھی دن سہ پہر کو رابطہ کیا جا سکتا ہے۔

آپ کی مخلص، حنا کاظمی